Taldea 2018an sortu zen IAS-Researchen adar gisa, eta euskal unibertsitate-sisteman onartua dago (ikertalde egonkorren deialdia, IT1762-22). Gure helburua da ikerketa eta hezkuntza prozesu eraldatzaileak aktibatzea, hainbat diziplinatako praktika-komunitateen bidez. Nola eragiten duten prozesu horiek pertsonen, taldeen eta erakundeen balioak eskuratzean, garatzean eta eraldatzean? Gure elementu bereizgarria berrikuntzari aplikatutako etika da. Praktika egokiak identifikatu, aktibatu eta ebaluatzen ditugu metodologia anitzen bidez: besteak beste, azterketa historiko-kontzeptuala edota ikerketa-ekintza, baita lankidetzazko gobernantzarako eta deliberazio demokratikorako jokuak eta tresnak diseinatzea ere. Taldean sartu garen hurrenkeraren arabera, honako hauek gara:
Antonio Casado da Rocha
Ikertzaile iraunkorra. Gure komunitateak abegikorragoak eta erresilienteagoak izateko beharrezkoak diren gaitasunak, ezagutza eta harremanak lantzea maite du. ORCID
- Etika aplikatua
- Humanitate ekologikoak
- Gizarte berrikuntza eta esperimentazio demokratikoa
- Lankidetzazko gobernantzarako teknologiak
Ion Arrieta Valero
Irakasle atxikia. Eskolak ematea maite du, eta bereziki kezkatzen du gure erabakien eta gure ekintza indibidual zein kolektiboen artean askotan gertatzen den distortsioak. Lan-arloak:
- Ordezkaritza, deliberazio eta erabaki demokratikoak
- Autonomia, akrasia, erabakiak hartzea
- Herritarren parte-hartzea eta adimen kolektiboa
- Bioetika eta etika aplikatuak
Elizabeth Perez Izaguirre
Irakasle agregatua. Ikasten laguntzen dion horretan interesatua, bereziki etnografiaren bidez. Hezkuntzaren antropologoa bestetasunean, ezberdintasunetan eta berdintasunetan fijatzen da.
Lan-arloak:
- Hezkuntzaren antropologia
- Eleaniztasuna eta ideologia linguistikoak
- Artearen bidezko ikasketaren antropologia
- Prozesu parte-hartzaileak hezkuntza eremuetan
Omar Garcia Zabaleta
Bitarteko irakaslea. Gozatu egiten du klaseak ematen. Pertsonen eta testuinguruen arteko harremanak ikertzea interesatzen zaio; funtsezkoa iruditzen baitzaio harreman hori ulertzea gizartean eragina duten aldaketak sustatu ahal izateko. Lan-arloak:
- Identitatea eta harremanen-autonomia
- Etika aplikatua
- Psikologia soziala
- Hezkuntza-arloko harreman-prozesuak
Agustin Erkizia Olaizola
Irakasle titularra. Motibatzen du pertsonen eta erakundeen arteko lotura-mekanismoak ezartzeak komunitate zintzoagoak, abegikorragoak eta lagunkoiagoak sortzeko, banakako zein taldeko asegabetasun-maila handiena sortzen diguten arazoetako batzuei buruz hausnartzeko. Lan-arloak:
- Ongizate emozionala eta aldaketaren kudeaketa
- Lankidetzazko gobernantza
- Kudeaketa publikoaren berrikuntza
- Aurrekontu eta finantza kontabilitatea
Fernando Tapia Alberdi
Irakasle kolaboratzailea. Unibertsitate-kudeaketa oso gustuko du, gezurra iruditzen bazaizue ere. Lan-arloak:
- Lankidetzazko gobernantza
- Praktika komunitateak
- Klinika juridikoak
Errapel Ibarloza Arrizabalaga
Irakasle titularra. Talde-lanetan parte hartzea maite du ezagutza ekonomiko, ofimatikako eta kudeaketakoak eskeiniz. Lan-arloak:
- Finantza-ekonomia
- Kirolaren kudeaketa
- Finantza- eta aurrekontu-kontabilitatea
- Berrikuntza eta kudeaketa-teknologia berriak
- Lankidetzazko gobernantzarako teknologiak
Belen Altuna Lizaso
Irakasle agregatua. Etikaren misterio guztiekin liluratua. Gai teoriko eta funtsezkoenetatik praktiko eta aplikatuenetara. Lan-arloak:
- Etikaren historia eta teoria
- Psikologia morala, enpatia eta garapena
- Filosofia soziala eta politikoa
- Irudimen morala
Mikel Torres Aldave
Irakasle atxikia. Filosofiako eskolak ematea maite du, ikasleengan pentsamendu kritikoa sustatzen saiatuz. Ikertzaile gisa, Etika eta Filosofia Politikoa interesatzen zaizkio bereziki, baita eguneroko bizitzarekin zerikusia duten gai praktiko guztietan dituen inplikazioak ere. Lan-arloak:
- Animalia etika
- Bioetika
- Sexu robotak
- Gaitasunen ikuspegia
Jonathan Lavilla de Lera
Irakasle agregatua. Filosofia irakastean, garrantzia ematen dio Filosofia gure errealitateko arazoen aurrean irtenbideak proposatzen dituen lanabes gisa aurkezteari. Filosofiako eta filologia klasikoko ikasketak uztartuz, antzinako Greziako filosofia du ikerketa gai nagusitzat, bereziki arazo etiko-politikoei eta epistemologikoei dagokienean. Lan arloak:
- Antzinako greziar filosofia
- Tragedia atikoa
- Bizitza ona eta zoriontasun ereduak
- Akrasia eta intelektualismo morala
Ekai Txapartegi Zumeta
Irakasle agregatua. Gero eta kezkatuago dago etorkizunarekin. Adinagatik ote da, edo algoritmo gaiztoengatik? Dagoeneko hilda ote gauden erabakitzen saiatzen ari da. Lan-arloak:
- Zientziaren filosofia
- Zientzia eta politika
- Mendebaldeko filosofiaren historia (XV., XVI. eta XVII. mendeak)
Unai Bayon Aranburu
Doktoregai ikertzailea. Desberdinkeria soziala eta pobrezia dira bere kezka nagusiak. Hain zuzen ere, bere doktoretza-tesirako pertsonen gaitasun kognitiboen eta pobreziaren erreprodukzioaren arteko harremana ikertzen ari da. Lan-arloak:
- Justizia soziala
- Ontologia soziala
- Epistemologia politikoa
- Giza-loratzea
Kepa Matxain Iztueta
Doktoregai ikertzailea. Praktika artistikoen eta gizartearen arteko loturetan arakatzea maite du. Kultur kritika eta diskurtso estetikoaren analisia. Lan-arloak:
- Ahozko literatura (bertsolaritza nagusiki)
- Kultura popularra
- Erretorika eta diskurtsoaren analisia
- Performance ikasketak
Maider Zilbeti Perez
Bitarteko irakaslea eta ikerlari kontratatua. Metodologia eta epistemologia feministen aplikazioa kohesio soziala bilatzen duten prozesuetan nola aplikatzen den aztertzea du gustoko. Lan-arloak:
- Metodologia eta epistemologia feministak
- Arte ekoizpen feministak
- Gizarte berrikuntza feminista
- Emakume indigena mexikarren mugimendu antolatua eta beraien aldarrikapenak
Luken Carbayeda Urruzola
Ikertzaile kontratatua. Enpresa ikasketak burututa, erakundeen kudeaketa hobetzen eta lankidetzazko gobernantzan sakontzen ibili da. Beste era batera egin daitezkeen gauzak ikertzearen zalea. Lan-arloak:
- Lankidetzazko gobernantza
- Gizarte berrikuntza
- Erakundeen kudeaketa
- Ekintzailetza
Eñaut Goñi Etxeberria
Doktoregai ikertzailea. Interesik handienak gai politiko-zientifikoetan ditu eta bere doktorego tesian klima aldaketaren komunikazioa eta esparru politikoan, ekonomikoan eta sozialean horrek dituen inplikazio teoriko eta praktikoak ikertzen ari da. Lan-arloak:
- Zientzia eta politika
- Klima aldaketa
- Zientziaren komunikazioa
Laura López Zambrano
Ikasiker bekaren onuraduna. Gogoaren filosofia eta burmuinaren nondik norakoak aztertzea du gustoko. Lan arloak:
- Identitate pertsonala
- Neurozientzia
- Bailabide erlijiosoen beharra garapen teknologikoa ulertzeko
Olaia Salazar Urrutia
Ikasiker bekaren onuraduna. Osasun mentalari buruz ikertzen dabil. Punk musika talde bateko kidea. Antzerki zalea. Batzuetan liburuzaina.
- Osasun mentala
- Normaltasuna/Anormaltasuna
- Queer teoriak
- Feminismoa